Калыкова Саида Тұрарбекқызы – Астана қаласы мемлекеттік академиялық филармониясының солисі

Саида 1.04.1985 жылы Орал қаласында дүниеге келген. Анасы 25 жылдан астам мемлекеттік қызметте жұмыс істеген. Ал әкесі – инженер-энергетик.

Саида 6 жасында №11 С.Сейфуллин атындағы қазақ мектебіне барды. 2002 жылы №21 орта мектепті және №3 музыкалық мектептті үздік аяқтады. Мектепті тәмамдаған соң, Орал қаласындағы Құрманғазы атындағы музыкалық колледжге түсті. Мұны да үздік бітіріп, 2006 жылы Астана қаласындағы Қазақ ұлттық өнер университетіне оқуға түсіп, оны 2010 жылы үздік бітірген. 2011-2014 ж. «Болашақ» бағдарламасы бойынша Италияның Флоренсия қаласында магистратураны «Loude» белгісімен аяқтап, музыка академигі дәрежесін алып шығады. Қазіргі кезде Астана қаласы мемлекеттік академиялық филармониясының солисі.

Саида үшінші сыныпқа барған кезінде әке-шешесіне айтпай-ақ музыка мектебіне жазылады. Ол аз уақыттың ішінде фартопианода еркін ойнайтын дәрежеге жетті. Бірақ 1994 жылғы операциядан кейін үздік оқушы көру қабілетінен айырылды.

Басына түскен қиындыққа қарамастан, Саида музыкамен айналысуды жалғастыра берді. 13 жасында өзінің алғашқы жеке концертін береді. 15 жасында алғашқы музыкалық шығармаларын жазған еді.

Университет қабырғасында жүріп, ол Италияның Киоджи қаласындағы шеберлік сыныбына қатысқан еді. Сан-Бартоломедағы конкурсқа қатысып екінші орын алады. Осы жарыстан кейін Кёльн консерваториясының профессорі Саиданы жабық конкурсқа қатысуға шақырады. Бұл конкурста пианист-композиторлар өзі жазған туындысын алып шығатын еді. Бүгінгі таңда Саиданың 28 жеке шығармалары бар.

2011 жылы Саида «Болашақ» бағдарламасының стипендиасын ұтып алады. Одан кейін Флоренция қаласындағы Л.Керубини атындағы консерваторияға Италия министрліктің және ректордың шақыртуымен магистратураға түседі

Саида қазақ, орыс, ағылшын және итальян тілдерінде еркін сөйлейді. Бүгінгі таңда ол қоғамдық өмірге белсене қатысып, бүкіл әлемдік қайырымдылық шараларына қатысады.

- республикалық және халықаралық конкурстардың лауреаты: «Джованни Таленти» Италия-2008ж., «Шаг навстречу» - Ресей-2009ж .; Конкурс пианист-композиторларға арналған. К. Филча - Румыния (2009ж.).

- Қазақстан, Ресей, Түркия, Италиядағы жеке концерттерін өткізген.

- Оркестрмен концерт: - Санкт-Петербург 2009 ж. Юрий Темиркановтың басшылығымен симфониялық оркестр.

- Флоренция (Италия) - 2014ж. «Пергола» театрының симфониялық оркестрі - дирижер Алессандро Пинсаути.

- Астана 2014ж. - Мемлекеттік филармонияның симфониялық оркестрі, жетекшісі Ерлан Бақтыгерей.

- Астана 2016ж. - қазақ халқының әйгілі аспаптары, дирижер Нұрлан Хамзин. 

 Санкт-Петербург 2016ж. Академиялық, симфониялық оркестр, дирижер Александр Дмитриев. 

 Астана 2017ж. Мемлекеттік, филармонияның симфониялық оркестр, жетекшісі Берік Батырхан. 

 Алматы 2019ж. Мемлекеттік, академиялық, симфониялық оркестр, дирижер Қанат Омаров. 

- 116 концерттің, соның ішінде 21 жеке концерттер, 22 қайырымдылық шарасына қатысқан. 

 2024 ж. Өзінің шығармашылық жолына 25 жыл орайына, мерейлік жеке концертін өткізеді: Дарынды пианист Саида Калыкова 2014ж. Музыка Академигі ғылыми тәжірибесін алды, 2016ж. Санкт-Петербург Академиялық филармониясының "Персона" жоғарыатағына ие болды, 2016ж. Қазақстан Республикасының мәдениетін дамытуға қосқан үлесі үшін "Жан Шуақ" сыйлығының иегері атанды, 2017 жылы Саида Калыкова, "Қазақстанның 100 жаңа Есімі" жобасының жеңімпазы атанған Қазақстан жастарының үздік өкілдерінің тобына енді.