×
Басты бет Афишалар
Тарихы Басшылық Серіктестер Байланысу Вопросы противодействия коррупции Комплаенс-служба Құжаттар Сыбайлас жемқорлыққа қарсы іс-қимыл мәселелері Комплаенс-служба
Ұжымдар Жетекшілер Дирижерлер Әртістер
Жаңалықтар Галерея
×
Іздеу нәтижесі
Басты бет / Біздің артистер / Артистер / Арыстанбек Алтынбек

Артистер

Артистер

Арыстанбек Алтынбек

Классикалық вокал бөлімінің солисі Халықаралық және республикалық конкурстардың лауреаты

Арыстанбек Алтынбек Ерланұлы 1999 жылдың 7 тамызында Қызылорда қаласында дүниеге келген.
2014 жылы орта мектептің 9-сыныбын бітіргеннен кейін, Қазанғап атындағы музыкалық колледждің “Ән салу” бөліміне оқуға түсіп, Қазақстанның еңбек сіңірген қайраткері Перуза Аманкелдіқызы Арғынбаеваның сыныбында білім алды. Дауысы – тенор. Колледж қабырғасында облыстық және қалалық деңгейдегі концерттер мен іс-шараларға белсенді қатысып, халықаралық және республикалық байқаулардың лауреаты атанды. 2018 жылы колледжді үздік дипломмен тәмамдады.
Сол жылы ҚазҰӨУ-дің “Вокалдық өнер” кафедрасына түсіп, Қазақстанның еңбек сіңірген әртісі, профессор Қанат Нұрмұхамедұлы Омарбаевтың сыныбында білім алды. 2021 жылдан бері Арыстанбек Еркеғали Рахмадиев атындағы Мемлекеттік академиялық филармонияда солист ретінде қызмет атқарып келеді.
Жетістіктері:
2017 жылы Астана қаласында музыкалық колледждер арасында өткен XXXVIII Республикалық конкурсының “Академиялық ән салу” номинациясы бойынша III орын иегері;
2018 жылы Семей қаласында өткен М.Төлебаев атындағы II Республикалық конкурстың I орын иегері;
2019 жылы Павлодар қаласында өткен Республикалық “Шелковый путь” конкурсының II орын иегері;
2019 жылы Ресейдің Челябинск қаласында өткен Халықаралық “Орфей” әншілер конкурсының I орын иегері;
2020 жылы Абай Құнанбайұлының 175 жылдығына арналған “Абай арманы” атты Республикалық конкурстың III орын иегері;
2024 жылы Түркістан қаласында өткен XXVI Халықаралық “Казакская Романсиада” байқауында “Русский романс” номинациясы бойынша I орын иегері.

Арыстанбек Алтынбек өзінің кәсіби шеберлігімен және шығармашылық белсенділігімен қазақ музыка өнерінің дамуына үлкен үлес қосып келеді.