Білімі:  Т.Қ. Жүргенов атындағы Қазақ ұллтық өнер академиясы 2011-2015 жыл, мамандығы "Эстрада өнері"

Қызметі: Қазіргі таңда Астана қаласындағы Е.Рахмадиев атындағы Мемлекеттік академиялық филармониясында эстрада артисі қызметін атқарады.

Жетістіктері: Балалық шақтан бастап өнерге деген сүйіспеншілігінің арқасында, біршама елдер аралап, концерттік бағдарламаларда бой көрсетіп,  байқауларға қатысып, біршама  жүлделерге ие болды. Солардың бірі:

2001 жылы ТРК Президентінің қолдауымен «Ағатайым» әнінің бейнебаянын жарыққа шығарды (бейнеқордан Елбасы мен Фариданың арнайы бейнематериалдары алынды).

2001-2002 жж. Ф.Жолдасова өзінің авторлық әндерімен Қытай елінің біршама қалаларын аралап 14 тен астам концерт беріп үлгерді. Бүгінгі күнге дейін Қазақстаның әр аймағын аралап, біраз концерт өткізген.

2002 жылы Алматы қаласының «Әуен» баспасынан «Бала тілегі» авторлық әндер жинағы атты кітабы жарық көрді.

2006 жылы Алматы қаласының «Нұрлы әлем» баспасынан «Бала тілегі-2» авторлық әндер жинағы атты кітабы жарыққа шықты.

2006 жылы Алматы қаласындағы Республика сарайында балалар арасындағы алғашқы «Бала тілегі» атты жеке концерті өтті (13 жас).

2007 жылы Астана қаласындағы Конгресс-Холлда «Бала тілегі атты» екі концерт берді.

Қытай Халық Республикасының 20 қаласында жеке концертін берді.

2010 жылдан бастап жарық көрген «Өзін-өзі тану» атты жалпы орта білім беретін мектептің 1-11-сыныбына арналған оқулығына «Бала тілегі» атты (сөзі: С.Молдасанұлы, әні: Ф.Жолдасова) авторлық әні енгізілген.

«Саз әлемі» музыкалық байқауында Заман тобымен бірге орындаған «Сағынамын» әні үшін «Үздік ән-2012» номинациясына ие болды.

«Саз әлемі» музыкалық байқауында «Неге солай?» әнімен «Үздік ән-2013» номинациясына ие болды.

2014 жылы 8-наурыз Халықаралық әйелдер күніне орай Елбасының қатысуымен өткен Ақордада төрінде «Көктем шуағы» атты кездесуге қатысты.

2014 жылы Ф.Жолдасова  «Президент пен перзент» атты тарихи кітабының кейіпкеріне айналды және Ақорда төрінде ҚР Президентінің кеңесшісі-Баспасөз хатшысы Д.Абаев арнайы табыстады.

2015 жылы Т.Қ.Жүргенов атындағы Қазақ ұлттық өнер академиясын «Эстрада өнері» мамандығы бойынша бакалавр академиялық дәрежесі бойынша дипломмен табысталды.

2016 жылы Германия Федерациялық Республикасының Кельн қаласында өткен Еуропа қазақтарының құрылтайына қатысып, көрсеткен биік өнер үшін дипломмен марапатталды.

Ф.Жолдасованың авторлық әні «Аяулы арманай», орындаушы Алтынай Жорабаева.

«Тамаша» ойын-сауық бағдарламасының тұрақты бүлдіршін әншісі ретінде өнер көрсетті. Сонымен қатар «Тамаша» ойын-сауық бағдарламасының президенті Есенов Лұқпан Досжанұлының алғыс хатына ие болды.

«Жыл әні-2019» номинациясының иегері Ф.Жолдасова мен И.Әлимұса.

2021 жылы Нұр-Сұлтан қаласы “Қазақстан” ОКЗ да Ф.Жолдасованың «Мен жайлы...» атты жеке концерті жоғары деңгейде аншлагпен өтті.

2024 жылдың 15 қазанында Алматы қаласы Республика сарайында өнерде жүргеніне 25 жыл толуына орай жеке шығармашылық кешін берді.

2024 жылы ҚР Президентінің жарлығымен “Ерен еңбегі үшін” медалімен марапатталды.

Сонымен қатар тағы бір үлкен жеке кеші Астана қаласында өзі қызмет ететін Мемлекеттік филармонияның қолдауымен “Астана концерт залында” өтеді деп жоспарлануда.

Қабілеті: адамдармен тез тіл табысады, жұмысқа жауапты, өз ісіне адал.