Артистер

Қазақстанның еңбек сіңірген қайраткері

Мәдениет саласының үздігі

Қазақстанның еңбек сіңірген қайраткері

Халықаралық байқаулардың лауреаты

Халықаралық байқаулардың лауреаты

Республикалық конкурстардың лауреаты

Халықаралық байқаулардың лауреаты

Республикалық байқаулардың лауреаты

Республикалық байқаулардың лауреаты

Нұржамал Үсенбаева, қазақтың аса көрнекті опера әншісі (сопрано), Қазақстан Республикасының халық әртісі, Татарстан Республикасының халық әртісі, Қазақстан Республикасы Мемлекеттік сыйлығының лауреаты, «Құрмет» орденінің кавалері, көркемөнер және мәдени қызмет саласындағы «Golden Europea» сыйлығының иегері.

Құрманғазы атындағы Қазақ ұлттық консерваториясының түлегі (профессор Бекен Жылысбаевтың жеке ән айту класы, 1979 – 1984 жж.). Алғаш рет сахнаға Абай атындағы Мемлекеттік академиялық опера және балет театрында «Қыз Жібек» ұлттық операсының басты партиясын орындап шыққан. Аталған театрдың солисі ретінде 1997 жылға дейін қызмет еткен. 1991 жылы Швейцарияда атақты опера әншісі Элизабет Шварцкопфтың тағылымдамасынан өткен. Нұржамал Үсенбаева – Барселонадағы Франциско Виньяс атындағы халықаралық байқаудың лауреаты (Испания), Глинка атындағы Халықаралық вокалистер байқауының арнайы сыйлығының иегері.

Қазақстандағы № 1 сопрано Нұржамал Үсенбаеваның талантын бүкіл әлем мойындаған: ол Ресейдегі Үлкен театрда, Мұса Жәлел атындағы Татар академиялық мемлекеттік опера және балет театры (Қазан, Татарстан) және т.б. сынды үздік опера сахналарында сәтті өнер көрсеткен. 2013 жылы ашылған «Астана Опера» мемлекеттік опера және балет театрының премьералық спектаклі «Біржан – Сара» операсындағы басты рөлді Нұржамал Үсенбаева орындады. Операның қоюшы-режиссері Юрий Александров, әншінің серіктесі Ресейдің еңбек сіңірген әртісі, Татарстанның халық әртісі Амед Агади болды.

Әншінің бай репертуарына Дж. Вердидің «Травиата» операсында Виолеттаның, «Риголетто» операсында Джильданың, «Фальстаф» операсында Алисаның рөлін, Дж. Пуччинидің «Богема» операсында Мимидің, «Турандот» операсында Лиудың рөлін, Г. Доницеттидің «Лючия ди Ламмермур» операсында Лючияның, Дж. Россинидің «Севиль шаштаразы» операсында Розинаның рөлін, В. Моцарттың «Фигароның үйленуі» операсында графиняның рөлін, Ш. Гуноның «Фауст» операсында Маргаританың, К.-М. Вебердің «Еркін атқыш» операсында Агатаның рөлін, Ж. Бизенің «Маржан іздеушілер» операсында Лейланың, «Кармен» операсында Микаэланың рөлін, Ж. Оффенбахтың «Гофманның ертегілері» операсында Антонианың, И. Штраустың «Жарқанат» операсында Розалинданың рөлін, М. Глинканың «Жизнь за царя» операсында Антониданың, А. фон Цемлинскийдің «Ергежейлі» Операсында Инфантаның, «Ақшақар» операсында Ақшақардың рөлін, Н. Римский-Корсаковтың «Патшаның қалыңдығы» операсында Марфаның, «Сервилия» операсында Сервилияның, А. Жұбанов пен Л. Хамидидің «Абай» операсында Ажардың, М. Төлебаевтың «Біржан-Сара» операсында Сараның, Е. Рахмадиевтың «Алпамыс» операсында Гүлбаршынның, Е. Брусиловскийдің «Қыз Жібек» операсында Жібектің, «Ер Тарғын» операсында Дананың рөлін және тағы басқа көптеген рөлдерді сомдады.

Америкалық «Daily News» басылымы әнші туралы былай деп жазған: «...Нұржамал Үсенбаева өз халқының бұлбұлы атанған». Ресейлік «Известия» газеті Нұржамал Үсенбаеваға еуропалық шыңдалған дауысы бар Алматыдан шыққан ғажайып әнші және үздік Виолетта деген баға берген.

Нұржамал Үсенбаеваның әлемдік деңгейдегі мәртебелі музыкант екенін «Carnegie Hal» (Нью-Йорк, АҚШ), Cortot (Париж, Франция), Conzertgebaum және Care (Амстердам, Нидерланды), Coliseum (Лиссабон, Португалия), Париждағы ЮНЕСКО бас пәтерінің концерт залы, Мәскеу консерваториясының Үлкен және Рахманинов залдары (Мәскеу, Ресей), Филармонияның үлкен залы (Санкт-Петербург, Ресей) және т.б. әлемнің ең танымал сахналарында берген жеке концерттері дәлелдейді.

1998 жылдан бастап қазіргі уақытқа дейін Астанадағы Еркеғали Рахмадиев атындағы мемлекеттік академиялық филармонияның жетекші солисі болып қызмет атқарып келеді.

«Мен – әртіспін, менің қолымнан бәрі келуі керек! Үнемі өзімді шыңдауға, ізденуге және тоқтамауға тырысамын» -дейтін Нұржамал Үсенбаева өнердегі ұстанымын осылайша үнемі шығармашылығымен дәлелдеп келеді.

Білімі:

- 2002-2007 жж. - Қазақ ұлттық музыка академиясы, «Опера ән салу» мамандығы бойынша (Р.Тленчиева сыныбы)

Халықаралық тәжірибе алмасулардан өткен:

- 2010 ж.- Италия, Йеси қаласы;

- Associazione Opera Italiana di Bologna театрында (Болонья, Италия);

- ACCADEMIA Teatro alla Skala (Мирелла Френнимен мастер-классы, Милан),

- 2018 ж. Ф.Лист атындағы консерваториясында (Ева Мартон мастер-классы, Венгрия, Будапешт қ.)

Кәсіби қызметі: Қазақ ұлттық өнер университеті « Вокалдық өнер» кафедрасының доценті

Еркеғали Рахмадиев атындағы Мемлекеттік академиялық филармониясының солисі

Жетістіктері:

- 2012 жыл – Қазақстан Республикасының еңбек сіңірген қайраткері

- 2015 жыл – «Құрмет» дипломы

- 2018 ж. – Қазақстан Республикасы Тұңғыш Президенті – Елбасы Қоры сыйлығының лауреаты

- XII Республикалық жас орындаушылар байқауының лауреаты (Астана, 2001 ж.)

- Ғ.Жұбанова атындағы Республикалық байқауының I-орын иегері (Астана қ., 2004 ж.)

- Халықаралық «Романсиада» байқауының II-орын иегері (Шымкент қ., 2005 ж.)

- Халықаралық «Шабыт» фестивалінің I-орын иегері (Астана қ., 2007 ж.)

- VII Халықаралық Н.Сабитова атындағы вокалистер байқауының лауреаты (Уфа, 2008 ж.)

- Ф.Шаляпин атындағы ««Голоса над Плесом» атты I Халықаралық байқаудың дипломанты (Плес қ., Ресей, 2010 ж.)

- Б.Төлегенова атындағы V Халықаралық байқауының I-орын иегері (Астана, 2011 ж.)

- М.Биешу атындағы I Халықаралық вокалистер байқауының дипломанты және М.Биешу атындағы арнайы сыйлықтың иегері.(Кишинев, 2012 ж.)

Аманжолова Айгерім Меңдібайқызы 1993 жылдың 6 тамызында Ақтөбе қаласында дүниеге келген. 2009 жылдан бастап А.Жұбанов атындағы Ақтөбе музыкалық колледжіне оқуға түсіп, үздік бітірді. 2013 жылы Қазақ ұлттық өнер университетіне оқуға түсті. Осы кезеңнен бастап академиялық ән салу бойынша көптеген жетістіктерге жетеді. 2012 жылы ҚазКСР Халық әртісі, Профессор Н.А. Шарипова І Республикалық вокалистер байқауының І орын лауреаты. 2013 жылы Мұқан Төлебаев атындағы І Республикалық вокалистер байқауының І орын лауреаты атанды. 2014 жылы Ахмет және Ғазиза Жұбановалар атындағы І Республикалық вокалистер байқауының І орын лауреаты атанады. Осы жылы Қазақстанның Х Ұлттық жастар Дельфийлік ойындарының ІІ орын лауреаты «Күміс медаль» иегері, І Халықаралық «Salve Regina» вокалистер байқауының І орын иегері атанып, вокал өнеріндегі өз шеберлігін көрсетті. Қазақстан Республикасының мәдени күндеріне арналған шараларда әлемдік деңгейдегі үлкен сахналарда өнер көрсетті.

2015 жылы Ұлы Жеңістің 70 жылдығына арналған Республикалық вокалистер байқауының І орын лауреаты атанды, сонымен қатар Челябинск қаласында өткен ІІ Халықаралық «Орфей» жас опера әншілерінің байқауында үздік танылып І дәрежелі лауреат және «Арнайы жүлде» иегері атанды.

Осы жылы Қазақстанның ХІ Ұлттық жастар Дельфийлік ойындарында ІІ орын «Күміс медаль» иегері атанды.

2016 жылы КСРО Халық артисі Бибігүл Төлегенованың VIII Халықаралық вокалистер байқауында ІІ дәрежелі лауреат атанып, арнайы төсбелгімен марапатталды.

Башқұртстанда өткен КСРО Халық артисі, З.Исмагилов атындағы ІІІ Халықаралық вокалистер байқауының дипломанты атанды.

Айгерім Аманжолова - Халықаралық және Республикалық байқауларда жеткен жетістіктері және оқуда жеткен жетістіктері үшін – ҚР Тұңғыш Президенті – Елбасы қоры стипендиясының иегері атанды.

ХІХ Халықаралық «Романсиада» вокалистер байқауында І дәрежелі лауреат атанды.

2017 жылы КСРО Халық артисі, Халық Қаһарманы Н.Тілендиев атындағы «Өз елім» V Халықаралық вокалистер байқауында үздік деп танылып «БАС ЖҮЛДЕ» иегері атанды.

Сонымен қатар КСРО Халық артисі, Халық Қаһарманы Н.Тілендиев атындағы «Өз елім» V Халықаралық вокалистер байқауының басты сыйлығы «ӘКІМ КУБОГЫ» иегері атанып, вокал өнеріндегі өз шеберлігін көрсетті.

2017 жылы ХХ Халықаралық «Шабыт» шығармашылық жастар фестивалінің І орын лауреаты атанды.

2019 жылы КСРО Халық артисі, Күләш Байсейітова атындағы ІХ Республикалық вокалистер байқауының ІІ орын лауреаты атанды.

2019 жылы «Халықаралық Білім, Экология, Инженерия және Педагогика» академиясының шешімімен (За вклад в развитие культуры и воспитания подрастающего поколения) - «Абай Құнанбаев» атындағы төсбелгімен марапатталды.

2020 жылы Францияның Тайти қаласында өткен Халықаралық «Le concurse Roi Louis XIV» вокалистер байқауында жеңіске жетіп, Гран-при иегері атанды.

2020 Халықаралық академияның шешімімен «Д.Қонаев» атындағы орденмен наградталды.

2020 жылы Мәскеу қаласында өткен Р.М. Глиэр атындағы ІV Халықаралық музыка байқауының Гран-при иегері атанды.

2020 жылы Қазақстан жастарының «Алтын кітабы» атты Республикалық байқауында І орын иегері атанып, «Алтын» төсбелгімен марапатталды

2021 жылы (За вклад в развитие образования) «Алтын қанат» медалімен марапатталды.

2021 жылы «Қазақстан музыка қайраткерлері Одағының» мүшесі атанды.

2021 - Қазақстанда тұңғыш ашылған «Astana opera» Халықаралық опера академиясына Милан консерваториясының профессоры, опералық ән салу маэстросы Анатолий Гусевтың сыныбына қабылданды.

Украинадағы Одесса опера театрының солисті, Э.Р. Погосовтың мастер класына қатысты.

Барокко дәуірі ән салу мектебінің оқытушысы Ф. Опа Маэстроның (Италия) мастер класына қатысты.

Ресейдің Еңбек сіңірген артисі, Санкт – Петербург консерваториясының профессоры, Тамара Новеченконың шеберлік сыныбына қатысты.

Милан университетінің профессоры, режиссері және «Giacosa di Ivrea» театрының көркемдік жетекшісі Paolo Bosisio -ның «Оперная драматургия: история и особенности» «Интерпретация оперных персонажей Giuseppe Verdi» шеберлік сыныбына қатысты.

Совет Кеңесінің және Ресейдің опера қайраткері, вокал педагогы, Ресей Федерациясының Еңбек сіңірген қайраткері Дмитрий Вдовиннің шеберлік сыныбына қатысты.

Ресейлік опера әншісі, Ресейдің Еңбек сіңірген артисі, М.И Мещерякованың шеберлік сыныбына қатысты.

2022 жылы - КСРО Халық артисі, М. Төлебаев атындағы VI Халықаралық «Кестелі орамал» вокалистер байқауында үздік танылып «БАС ЖҮЛДЕ» иегері атанды.

2022 жылы – «Алтын глобус» Халықаралық академиясының шешімімен (Мәдениет саласында жеткен нәтижелі жетістіктері мен үздік қызметі үшін) «А.Жұбанов атындағы» медальмен марапатталды.

2023 жылы – ҚР Еңбек сіңірген қайраткері М.Әйтімов атындағы ІІ Республикалық вокалистер байқауының «БАС ЖҮЛДЕ» иегері атанды.

Қазақстанның Халық артисі Бекен Жылысбаев атындағы І Республикалық вокалистер байқауының І орын лауреаты.

2023 жылы – ҚР Мәдениет және ақпарат министрі Балаева Аида Ғалымқызының қолынан мәдениет саласында жеткен жетістіктері мен қызметі үшін - Қазақстан Республикасының «Дарын» Мемлекеттік жастар сыйлығының лауреаты атағымен марапатталды.

Е.Брусиловский «Қыз Жібек» операсында Дүрия, В.Моцарт «Дон Жуан» операсында Донна Эльвира партияларымен дебют жасады.

2023 жылы П.Чайковскийдің «Иоланта» операсында басты кейіпкер Иоланта рөлін жоғары деңгейде орындап, көрермен қошеметіне бөленді.

Маусым айының 29,30 күндері Дж. Россинидің «Итальянка в Алжире» операсының премьерасында Зульма партиясымен дебют жасады.

2023 жылы «Astana opera» Халықаралық опера академиясын ҚР Еңбек сіңірген қайраткері, профессор Жылтыркөзов А.Қ сыныбынан бітірді.

2023 жылы «ASTANA OPERA» Мемлекеттік опера және балет театры Опера труппасының солисі.

Айгерім Меңдібайқызы опералық қойылымдарда, концерттерде әлемге әйгілі дирижерлар – Алан Бөрібаев, Джузеппе Аквавива (Италия), Крестиан Делисо (Италия), Артем Макаров (Беларусь), режиссерлар Алла Симонашвили (Италия), және т.б бірігіп жұмыс жасады.

Мемлекеттік, Республикалық деңгейдегі үлкен концерттерде өнер көрсетті.

Қазақстанның мәдениеті күндеріне арналған концерттермен Қазақстанның барлық қалалары сахналарында симфониялық және қазақ оркестрлерімен Ресей, Словакия, Братислава, Венгрияның Будапешт, Шопрон, Австрия, Вена, Францияның Тайти, сахналарында ән шырқады.

Тыныштық Шаһризада Қайратқызы 1992 жылы 16 желтоқсанда Қазақстан Республикасы, Қызылорда қаласында туылған. Астана қаласы Мемлекеттік Академиялық Филармониясының солисті (2014 жылдың қыркүйек айынан бастап). 2013/2014 – Санта Чечилия Консерваториясында “академиялық мобильділік” мемлекеттік бағдарламасы бойынша Италияның Рим қаласында білімін жетілдірді. Қазақ Ұлттық Өнер Университеті “вокалдық өнер” кафедрасында профессор Р.Р.Тленчиеваның сыныбынан 2016 жылы бітірді. 2018 жылы Қазақ Ұлттық Өнер университеті «Вокалдық өнер» кафедрасында өнертану ғылымдарының магистрі атанды. Халықаралық және республикалық байқаулардың лауреаты. Дауыс классификациясы – толық диапазондағы лирикалық сопрано. Жетістіктері: 2010 жыл – VI Республикалық Дельфийлік ойындары (Павлодар, Қазақстан, ІІ орын, күміс медаль) 2011 жыл – XXXII Республикалық жас орындаушылар байқауы (Алматы, Қазақстан, І орын) 2012 жыл – І Халықаралық оперетта жас орындаушыларының байқауы (Қарағанды, Қазақстан, арнайы диплом) 2013 жыл – Республикалық студенттер олимпиадасы (Алматы, Қазақстан ІІ орын) 2013 жыл – ІІІ Халықаралық Нұрғиса Тілендиев атындағы «Өз елім» саз фестивалі (Астана, Қазақстан, І орын) 2014 жыл – V Халықаралық Шәмші Қалдаяқов атындағы «Менің Қазақстаным» байқауы (Астана, Қазақстан, І орын) 2015 жыл – V Халықаралық Ахмет Жұбанов атындағы «Жұбанов көктемі» фестивалі (Ақтөбе, Қазақстан, Бас-жүлде) 2015 жыл – XVIII Халықаралық «Қазақ романсиадасы» байқауы ( Шымкент, Қазақстан, II орын) 2015 жыл – XVIII Халықаралық «Шабыт» фестивалі ( Астана, Қазақстан, Бас-жүлде) 2017 жыл – IV Респуликалық М.Төлебаев атындағы «Кестелі орамал» вокалистер байқауы (Талдықорған, Қазақстан, I орын) 2019 жыл – IX Республикалық К.Байсеитова атындағы вокалистер байқауы (Алматы, Қазақстан, ІІ орын) 2019 жыл – VI Халықаралық Н.Тілендиев атындағы «Өз елім» саз фестивалі (Астана, Қазақстан, Бас жүлде және әкім кубогы) 2019 жыл-Б.Төлегенованың халықаралық вокалистер байқауы (Алматы,Қазақстан,ІІ орын) «Қыз Жібек пен Сансызбай» музыкалық- театрландырылған койылымында Жібектің рөлін сомдады. Ғ. Жұбанованың «Құрманғазы» операсының концерттік қойылымында Әуес партиясын және Ж. Оффенбахтың «Сказки Гофмана» операсында Антония партиясын орындады. Мастер-класстар: 2014 жыл – Милан консерваториясының профессоры, Милан қаласы “Giacosa di Ivrea” театрының көркемдік жетекшісі және қоюшы-режиссері Паоло Бозизионың 2-9 қыркүйек аралығында “Опералық драматургияның тарихы және өзгешелігі”, “Джузеппе Верди опералық персонаждарын интерпретациялау” тақырыбында өткізген мастер-классына қатысты.

Классикалық вокал бөлімінің солисі. Лирикалық баритон. Халықаралық және республикалық байқаулардың лауреаты. Құрманғазы атындағы Қазақ ұлттық консерваториясының түлегі.

Қазақстанның Халық әртісі, ҚР еңбек сіңірген әртісі, "Парасат", "Құрмет" орденінің иегері.

Қазақстанның еңбек сіңірген қайраткері

Қазақстанның еңбек сіңірген қайраткері, "Құрмет"орденінің иегері.

«Қазандағы Шығыс базары» Айдын Жұмабаевқа бағынды!

Түркі және шығыс халықтарының ұлттық мәдениеттерінің «Ресей — Шығыс» халықаралық фестивалі жыл сайын Қазан қаласында Ресей СІМ, Татарстан Мәдениет министрлігі, Президенттік мәдени бастамалар қорының қолдауымен өткізіледі.

Әлемге «Қазан қаласындағы Шығыс базары» атауымен танымал фестивальдің аясында түркі және шығыс халықтарының жас орындаушыларының байқауы өтуде, бұл жолы ол 30 елден, соның ішінде Қазақстан, Қытай, Үндістан, Иран, Түрікменстан, Өзбекстан, Әзірбайжан, Вьетнам, Египет, Ауғанстан және Катар елдерінен 50-ден астам ұлттық мәдениет өкілдерін жинады.

Біздің республикамыздан Қазан қаласындағы байқауға 18 өтінім жіберілді, олардың арасында Еркеғали Рахмадиев атындағы Мемлекеттік академиялық филармонияның солисі, республикалық және халықаралық байқаулардың лауреаты Айдын Жұмабаев та бар, ол бірнеше күнге созылған байқаулардан сүрінбей өтіп, қарсыластарынан оқ бойы оза шығып, бас жүлдені қанжығасына байлаған болатын!

Осы байқау жайында, сонымен қатар, өнердегі шығармашылық жолы мен басқа да жетістіктері туралы дарынды отандасымызбен әңгіме өрбіттік.

- Айдын, Сізді осындай маңызды байқаудағы жеңісіңізбен шын жүректен құттықтаймыз. Эстрада орындаушысы ретінде сіздің шығармашылық жолыңыз қалай басталғанын айтып өтсеңіз.

- Мен 1992 жылы Атырау облысының Сарытоғай деген шағын ауылында дүниеге келдім. Біздің отбасымыз өнермен немесе шығармашылықпен ешқандай байланысы жоқ: менің әкем 40 жыл бойы жүргізуші болды, ал анам 30 жылдық балалар дәрігері болып жұмыс істеді, екеуі де қазір уақытта зейнеткер. Бала кезімде мен ән айтуға қызығушылық танытпадым. Мұның бәрі 2008 жылы, 9-сыныпта 8 наурыз күні мектеп концертінде Шәмші Қалдаяқовтың «Әлемнің жарығы» әнін орындаған кезде басталды. Сол кезде мен музыка мен сахнаға деген сүйіспеншілікті алғаш рет сезіндім. Көп ұзамай ауданымыздың атынан «Абай оқулары» байқауына қатысып, бірінші орынға ие болып, Атырау қаласындағы Дина Нұрпейісова атындағы музыка колледжіне шақырту алдым. Өкінішке орай, әкем менің бұл оқу орнына түсуіме қарсы болды, бұл ер жігітке тән жұмыс емес деп ойлады. 9-сыныптан кейін мен СПТУ лицейіне түсіп, кең бейінді механизатор дипломын алдым. Бірақ менің шығармашылыққа деген сүйіспеншілігім сөнген жоқ. Оқуды аяқтаған соң дипломды әкеме табыстап, өзім Дина Нұрпейісова атындағы музыкалық колледжге түсуге шешім қабылдадым. Төрт жыл бойы академиялық вокалда оқыдым. Оқу барысында шыберлік сыныптарына, концерттер мен байқауларға қатыстым. Менің тәлімгерлерімнің бірі Құрманғазы атындағы Қазақ ұлттық консерваториясының профессоры Ғафиз Есімов болды. 2015 жылы колледжді бітіргеннен кейін музыка саласындағы жолымды жалғастырдым. Атырау қаласындағы алғашқы тәлімгерлерімнің бірі мені қазақстандық эстрада әлеміне бағыттаған белгілі композитор Болат Кохаманов болды. Кейінірек Астанаға келіп, Қазақстанның еңбек сіңірген қайраткері, «Құрмет» орденінің иегері, қазақ эстрадасының жұлдызы Сембек Жұмағалиевтен білім алдым.

- Сіздің халықаралық байқауларға қатысу тәжірибеңіз жеткілікті деп ойлайсыз ба?

- Қазан қаласында өткен Халықаралық байқау менің алғашқы шығармашылық байқауым емес еді. 2016 жылдан бастап мен Болгария, Чехия, Латвия, Ресей және Қазақстандағы көптеген халықаралық байқаулардың жеңімпазы атандым. Мен үшін олардың әрқайсысы - үлкен бақыт әрі еңбегімнің көрсеткіші. «Шығыс базары» байқауы шығыс халықтарының мәдени бірлестігіне, олардың ұлттық музыкасы мен дәстүрлеріне арналды. Әр елден келген қатысушылар өз өнерлерін ортаға салды. Мысалы, Сауд Арабиясынан келген қатысушы біздің домбырамызға ұқсас аспаптың сүйемелдеуімен халық әнін орындады. Мен бірінші турда әйгілі американдық композитор Хоги Кармайклдың «Georgia on My Mind"» («Джорджия менің ойымда») әнін, ал екінші турда қазақ музыкалық өнерінің інжу-маржаны, халық дәстүрлі әнінің кең әуезділігін қамтитын Үдебайдың «Дудар-ай» әнін ұсындым. Осы халықаралық деңгейде қазақ халық әнімен жеңіске жету мен үшін үлкен мәртебе болды.

Менің жүрегімде ерекше орын алған сәт - байқаудың қазылар алқасын әйгілі «Ялла» ансамблінің көркемдік жетекшісі Фаррух Закировтің басқаруы. Қазақстандық тыңдармандар менің сүйікті шығармаларымның бірі және жиі орындалатын шығармалардың бірі композитор Алексей Рыбниковтың Рабиндранат Тагордың өлеңдеріне жазған «Пояледняя поэма» шығармасы екенін біледі. Өткен ғасырдың 80-жылдарында бұл ән «Ялла» ВАА орындауында миллиондаған адамның жүрегін жаулап, танымал болды... Ал мен «Қазандағы Шығыс базары» байқауының жеңімпазы атанғаннан кейін оны Фаррух Кәрімұлына орындап бердім, оның алғысы мен кәсіби мойындауы мен үшін тағы бір марапат болды...

Мен 2019 жылы Еркеғали Рахмадиев атындағы Мемлекеттік академиялық филармонияның солисі болдым, содан бері өз шығармашылығымды елордалық көрерменге тарту етіп келемін. Еркеғали Рахмадиев атындағы Мемлекеттік академиялық филармонияның басшысы Дакенов Ерлан Ерғазыұлына және көркемдік жетекші Гүлмира Құттыбадамоваға сенім білдіріп, қолдау көрсеткендері үшін алғысымды білдіргім келеді. Олардың көмегінің арқасында мен Қазақстанды лайықты түрде таныта алдым.

Әңгімелесу соңын Айдын Жұмабаев қазақстандық көрерменге: «Қазақ өнері жасасын! Жаңа дүниелерді іздеуді жалғастырып, жаңа шыңдарды бағындырайық! – деп қорытындылады. Өнерпазға сәттілік пен жаңа жетістіктер тілейміз!

Эстрадалық вокал бөлімінің солисті