1994 жылы П.Чайковский атындағы Алматы музыкалық училищесіне (К.Рақышова сыныбында) домбыра мамандығы бойынша оқуға түсті. Оны бітіргеннен кейін Қазақ ұлттық музыка академиясына (профессор О. Дүйсеннің сыныбы) оқуға түсіп, профессор А.Нүсіпбаевтың «Дирижерлік өнер» сыныбында, Қазақстан Композиторлар одағының мүшесі Ж. Тезекбаевтың композиция сыныбында оқыды.

2004 жылы ҚазҰӨУ аспирантурасын бітірген. Шығармашылық қызметін Астана қаласы әкімдігінің Мемлекеттік академиялық филармониясының Қазақ оркестрінің әртісі (домбыра) болып бастап, сахна өнерінде жоғары кәсіби деңгейге жетті.

Шығармалары республикалық байқауларда топ жарған композитор ретінде танылған. Бүгінде ол Қазақ оркестрінің дирижері, маэстро Айтқали Жайымовтың шәкірті әрі дәстүрін жалғастырушы.