«Жемқорлықсыз қоғамға!» семинары өтті

Еркеғали Рахмадиев атындағы мемлекеттік академиялық филармониясында 27 наурыз күні «Жемқорлықсыз қоғамға!» тақырыбында  қызметкерлерге арналған семинар өткізілді.  

Семинардың кіріспесінде филармонияның Бас директоры Ерлан Ерғазыұлы мен Астана қаласы Мәдениет басқармасының «Экономикалық жоспарлау және құқықтық қамтамасыз ету бөлімінің» бас маманы Нұрбек Әлібекұлы алғысөз сөйледі. Ал филармонияның офицер-комплаенсы Жандаулет Отарбайұлы іс-шарада модератор болды.

Семинардың негізгі спикері ретінде «Қазақстан Республикасы Сыбайлас жемқорлыққа қарсы іс-қимыл агенттігінің Астана қаласы бойынша департаментінің» аға офицері Гүлназ Слямовна шақырылып, сыбайлас жемқорлыққа қатысты дәріс оқып, слайд көрсетті.

Іс-шара соңында қатысушылардың сұрақтарына жауаптар беріліп, кейін сыбайлас жемқорлыққа қарсы бағытта түсірілген «Вакцина от коррупции» көркем фильмі көрсетілді.

Іс-шарада 94 тыңдаушы қамтылды.