Елорда филармониясының «Қорқыт» этно ансамблі Рамазан айымен құттықтап бейнеролик жолдады

Нұр-Сұлтан қаласы әкімдігінің Мемлекеттік академиялық филармониясы, қазақстандықтарды айлардың сұлтаны саналатын Рамазан айының келуімен құттықтады, деп хабарлады aikyn.kz порталы.

«Жақсылық пен мейірім, жылулық пен сабырлылық – адам баласының ең жоғары, ең бағалы асыл қасиеттері. Көркем мінез қалыптастырып, жүректі тазартатын қасиетті айда ел ниеті мен тілегі  қабыл болғай. Жаман індеттен тезірек құтылып, бір-бірімізбен аман-есен жүздесуге жазсын. Рамазан айы баршамызға берілген үлкен мүмкіндік деп білеміз. Халқымыз үшін, жер бетіндегі барша адамзат үшін тілек-дұғамызды жаудырайық. Алланың бізге берген сыйы – жеріміз мың сан қауіп-қатерден аман болып, әр күніміз үмітпен, жақсылықпен жарқырап ата берсін! Қасиетті Рамазан айында елімізде құт-береке, қуаныш орнасын. Осынау ұлы мерекемен баршаңызды құттықтай отырып, елорда филармониясының «Қорқыт» этно ансамблінің бейнеролигін жолдаймыз. Қабыл алыңыздар, әлемді жақсылық пен мейірім билесін…»