«Алқоңырдан» «Алай көкке» дейін
«Астана» концерт залында Нұр-Сұлтан қаласы мемлекеттік академиялық филармониясының әншісі, халықаралық және республикалық байқаулардың лауреаты Перизат Тұрарованың «Алқоңыр» атты онлайн-концерті өтті.
Талантты әншінің репертуарында халық әндері мен халық композиторлардың, қазіргі белгілі сазгерлердің сан алуан туындылары бар. Өз концертін осы кешке атау берген әнмен бастаған ол Сыр бойының саңлағы Нартай Бекежановтың «Өздерің білер Нартаймын» термесімен жалғастырды.
Жалпы осы кеште әнші Арқа, Жетісу сияқты әншілік мектептеріне жататын туындыларды қамтыды. Алтайдың арғы жағынан елге жеткен әндерді де сызылта шырқады.
Ұлы Абайдың әндері де кеш бағдарламасынан тыс қалған жоқ. Әнші хакімнің Пушкиннен аударып, әнге айналдырған «Евгений Онегин» шығармасындағы «Татьянаның хаты» туындысына салды.
Перизаттың орындауында өзіміз жиі тыңдайтын әндердің бірі – әнші, композитор Тұрсынғазы Рахимовтың ақиық ақын Мұқағали Мақатаевтың өлеңіне жазылған «Аягөз ару» шығармасы. Бұл жолы да осы ән орындалды. Әншіні арасында «Сарыарқа» фольклорлық ансамблі сүйемелдеп отырды.
kense@astana-filarmonia.kz
қ. Астана, 010000, Кенесары көшесі, 32
